ايام الجاهلية مع (( Lbc ))

!.. سلام ..!

سلخيـر .. يمين .. سلخيـر .. يسـار

كل ابوكم .. سلخيـر .. كل امكم .. سلخيـر

<< الماصلة قربت منك

وشفيه مايضغط ذا ؟ :148:

اكيد الجهاز خربان

لالا اكيد فيه بلا .. ليه ماتقبل يالحبيب ؟

قيام ايها الأعضاء الشرفاء

جلوس ايها الاعضاء الشرفاء

قيام

جلوس

قيام

جلوس

>> لاقيكم

<< لاقيكم

.0. مستر مطبات .0.

اسود الوجه وابيض اليدين

كبير الخشم صغير العينين

طويل الشعر اصلع الحاجبين

يحب يتسبّح في نهر الرافدين

<< هذا الفتى الأطخم صاحب الإطلاله الساحره لأا يمكن لـ احد تدييته << صارو العيال الطخمان مثلي هم اللي يتديتون

من مواليد برج السلولو

15 آيار/ كانون الأول

مزايا برج السّلولو:

1- يجيد الكتابه على الجداران بدون ماتوصخ يدينه

2- حريف كيرم ويعكف الاآآن على اصدار كتاب ( كيف تكسب الخمسين )

3- يعرف يوجه الأنتل بدون احد يقول له ( ايه ايه صفااااااااااااااااا )

4- يعرف يقلب قرص البيض بدون مايتقطع ( دوّيره )

5- يشرب الـ موية في كاسات الجبن

عيوب برج السلولو:

1- الدخول للشات بإسم مستعار >> فاهم غلط

2- شديد على الأطفال ويبلعها عند الكبار :148:

3- التلحوس في المطبخ عند قدوم شغّاله جديده هع

4- دايم يترقع بـ البلاي ستيشن 2 << اما 3 للحين ما جربنـا

** دخول ماصل **

في صبيحة يوم الخميس خمسه خمسه الفين وخمسه فتحت محفظتي ولقيت

عندي خمسه وااااو شعور جميل واطالع اصابع يديني الا هي خمسه واطالع اصابع

رجليني والقاها خمسه واروح اركض واركض والقى ابوي

واعلمه بالسالفه قال تبيها تكمل خذ ذالمخمّس ( دايم يحب يفرحني )

واجلس اعيط بـ غرفتي لحالي ويطلع لي واحد يقول خمسك ياولد ( يبي يسلّم )

مارديت عليه وعطيته خامس قال ماعرفتني انا اسمي خميس وجايب لك معي

خمسه من اخواني خمّاس وخمسان وخمسون وخمسين وخمّوس

قلت فارقني انت واخوانك لأهفك بأم خمس واخليك تخمّس بـ الغرفه

^
^

خخخخخخخخخخخخخخخخخخخخخخخخ

من جدكم تقرون الى الحين

((الزبده في الأسفل ))

** مستر بدون ألوان **

انا و فهودي اخوي << نصاب ابوه فهد

نطالع مباراة الأرجنتين والبرازيل عام 1945 وطلعت في راسي فكره قلت يافهيدان

ليه مانقدر ندخل مع التلفزيون ونعيش جوهم ونشوف اوضاعهم

قال الا وش رايك ندخل في الفديو ونسوي فلم ( ينكّت الخالع )

قلت الى ورا ماتعطيني الريموت وتلفقها

واخذ الريموت واحطه على قناة ( سترايك ) خخخخخ

ياهي حفله هالقناة كل كلامهم بدليات المهم وانا اقلب القنوات طلعت لي

اشارة في التلفزون اذا كنت تريد الدخول وجه الريموت كونترول على القناة المطلوبه

وقل ( قو قو قو ) واكلم فهود قلت له حطه على قناة LBC وانا بقول ( قو قو قو ) << حسيت اني سبهه

قال يالله لك الحمد تكفى مـسـتـر خلني اتابع المباراه

قلت يرحم امك وش تتابع مباراه ايام الثمانينات يعني ماتشوف الى سواااد مغطي الملعب انواع الشوش المنتفشه فيذا

حطه بس على LBC لا أحوسك هنا

وادق الكشخه واقابل التلفزون وانا اقول قو قو قو وقبل لاخلص الكلمه

فهود فرّه على قناة مصر الثانيه وبالصدفه كانوا عارضين فلم عن ( ابطال من الصحراء )

ومالقيت نفسي الا وسط البر ومافيه حولي احد واقعد امشي الين وصلت لواحد جالس عند غنمه

واقول له انا ويني فيه انت من انت وش ذا اللبس يالحبيب :148:

قال من انت ايها الغريب هل انت من قافلة الشام ام الحجاز قلت انا من قافلة سدير ( صريح الولد )

قال ويحك انت من اتباع المحسحس ابن الحسحيس

قلت يرحم امك اسمه ذا والا يمزح

قال اخرج سيفك وبارزني هنا سوف اقتلك شر قتله ايها الوضيع

قلت فيني بعج مافيني شدة مصارعه توني دابج فيذا الغدا ومليسهـا بـ كاسين لبن مع سكري احتمال اطرش عليك

قال ياااااااااع (كلمة تقال عند الهجوم ) وابوبز ويمر السيف من فوقي

والتفت عليه قلت انت يالحبيب شفيك متحمس لاتخليني التفت لك ايها الجبان

ويرجع مره ثانيه ويموّه علي بالسيف واطلع ميدالية المفاتيح من مخباي واصنه في وجهه

قال لقد فعلتها ايها الشرير لقد قتلتني برميتك السامّه << حسيت ان هـ الفيس له علاقة بـ السم

قلت اثرك دجاجه على طول تموت

احسبك بتصمل معي للأشواط الأضافيه

واسحب سيفه والبس اللبس حقه واركب حصانه واروح ناوي ديرتهم ويوم وصلت للديره

لقيت واحد جالس على باب خيمته ويناظرني بكل احتقار

رفعت يدي له

وبحركه سريعه رزيت اصابعي قلت له ( كش )

ويطلع سيفه ويجيني يركض ( ماعندهم تفاهم الجلوف على طول حرب )

ويقرب مني واطلع سيفي واقعد ابارزه ويجتمع علينا الناس وهم يشوفون المعركه

واطلع من مخباي الولاعه واصقع الزقاره << الله من الحقارهـ والله

واقول له اذا كنت تريد ان ادمس هذه الزقاره في علباك تعال هنا ايها الأعرابي الزلابه

ويجيني مندفع وارتب افكاري على خطة 2 - 3 - 5

واحط ياسر القحطاني راس حربه وعلى الاطراف سامي و الشلهوب ( خارج النص )

المهم تبارزنا الين سدحني على الارض :300: وقال ( اخ ايها الورع اخ )

وشوي الا المربوعه في راسه من ورا واناظر الا هي بنت ملثمه مسكتني مع يدي :004:

وقالت انهض لقد فارق الحياه هذا المعتوه واطالع فيها واقول من انتي ض5

قالت على شحم وتعال معي الى الخيمه لكي اداوي جراحك ايها البطل

وانا امشي معها وافكر اعطيها الرقم والا يكفي بالماسن وذهبنا الى خيمتهم المتواضعه ( ياعيني )

ولقينا اخوها وابوها وقالت اعرفكم على بطل الحاره مستر مطبات << هذي الحريه و المساواهـ

وهذا اخوي سعدل وهذا ابي ابن ابي شلحفه قلت انتم اساميكم من زمان ماصله والا الحين بس

نقز اخوها وقال من اي العرب انت ايها الغريب << يا بثرك

قلت له وعويناتي صوب اخته

انا اللي ..

ذبحني اسود الرمش ... وعلقني حبه ليتني ماتعلقت >> مهوب عاقل ابو قباني

ابتسمت اخته حتى اجهرتني لمعة ضرسها الذهبي

وقال لي اخوها هل تغازلها امامنا يااااااع خذ هذه الطعنه

وازنطه في الزاويه لعنبو غيركم انتم كل شي عندكم حرب ؟

اركد يا الرخمه لأحوكك على عينك واكوفنك كوفنه Wink

وبعد ان قمط العافيه اخوها سعدل واخذ ابوها يقهقه ويقول انه فعلا شجاع ومكسب لنا في الحاره

عانقني اخوها وهو يبكي ويقول سامحني ايها الشجاع انني احببتك ( ترا معانقه شريفه )

ومع مرور الايام اشتدت الصحبه بيننا واعتبرتهم عائلتي الثانيه << الله يعافي الاخت بس

وفي احد الأيام خرجت انا وسعدل لنذهب في نزهه قصيره الى سوق المدينه

وبينما نحن نمشي على الهون كل واحد على حصانه الا ويمر علينا

واحد متلطم ويقعد يحدحدنا بالحصان ويغبر في وجيهنا والتفت على سعدل

قلت هاه وش رايك نخبز وجهه ورا ذالقشعه محد حوله .. ضحك سعدل ضحكه خوف

وقال الا تعرف من هذا انه فسيفساء ابن شمشون .. قلت انت شف اسمه وتدري ان ماحولك احد

قال انه عربيد وملعون جدف اقوى واحد عندنا انتبه منه يا مستر مطبات انه ذاهب الى الحانه ض3

قلت وهل عندكم حانه ( اشتهيت بيره ) قال نعم عندنا حانه ويوجد بها الماجنات والفاسقات << و العياذ بالله

قلت تكفى اسعفني انني ناوي الليله اطيّنها بقوه

وذهبنا الى الحانه وقبل ان ندخل الحانه

ماتسمع الا صوت قرقعة البطول والضحك الهستيري والغناء الصاخب

قال سعدل انا لن ادخل الحانه لان ابي متحلف فيني بيكسر رقبتي ان دخلت هذه الاماكن Neutral

قلت اذهب في حال سبيلك وانا ان شاء الله الليله سأكون في الخيمه لن اتأخر عليكم

ودخلت الحانه واذا بـ فسيفساء ابن شمشون يطالعني ويقزني من يوم دخلت وانا اناظر فيه واصد عنه ( من مبدأ كسر الشر )

وجلست على كومة من القش ( يعني طاوله الحين )

وصفقت بيدي هيييه اكسكيوزمي اني بدي هير << ايه هين لو انت اللي جايبها من عندك يمدحون الماسن

وجاني القرسون ماذا تريد ايها الغريب قلت اريد رأس خروف محشي ( يعنني قوي علشان يقمطون )

نظر الي نظرة ازدراء وهو يقول يمدي كورن فليكس ؟

وفجأه :45_asmili

زأر فسيفساء كالأسد وقال احضروا لي هذا الصعلوك الجبان Wink

ويتجمعون علي نص الحانه ويكتفوني واللي من قدام واللي من ورى يكتف

ويسحبوني الين وصلت عنده

قال انت صاحب الحصان موديله اربعه وثمانين؟؟ قلت نعم انا

قال تـــف بس الحمدلله تفاديتها ولزقت في وجه احد الجلم اللي مكتفيني قلت له علامك علي

قال بكيفي ياورع فتّشوه واعطوني كل مايملك في مخباه

ويلقون معي دخان وصورة حليمه بولند قال من هذه الحسناء التي في الصوره << خق معها ابن اللذينـا بعذري اجل

قلت هذي امك << خربتها

قال ويحك ياااااع

طبعا عارفين وش معنى ياااااع :300:

قلت ياااع ياع وش ورانا

وبين ياعه وياعي دخل علينا رجال الحسبه وفرّقونا وهو يتفل علي وانا اتفل عليه

وتواعدنا يوم الخميس خمسه خمسه الفين وخمسه ( اطلع برا يا حقير )

وذهبت الى خيمة سعدل وشرحت لهم السالفه وعلمتهم ان المعركه يوم الخميس امام الناس

وقال سعدل انت شجاع لاتخف سوف تقتله بالراحه << الله ياخذ تهييضك يا شيخ

ونط ابوه وهو يقول انت املنا الوحيد في القضاء على هذا العربيد الماجن

واختهم تناظرني من ورا الشق

وهي تنشد وتقول

ياطر جيبي يوم جاني الخبر ** فسيفساء الكلب ناوي بالجفا

ياامـسـتــر تكفى لايجف الحبر ** اذبحه تكفى جعله الحفــــــا

المهم بعد ان سمعت هذه النشيده من اختهم استنزلت ووقف شعر راسي ايام الجاهلية مع (( Lbc )) 726257

والا كلام ابوها واخوها مادريت عنه

وجاء يوم الخميس ..! :148:

واجتمع الناس في ساحة المعركه ينتظرون المواجهه المرتقبه

وجاء شمشون وهو يبتسم ويوقع الاوتجرافات للأطفال ويحييهم

وانا في خيمتي البس واتجهز للمعركه واقول ( ياربي ربااه العمر مرهـ وحدهـ )

انشهد انه بيتمردغ في بطني

وصوت الناس تهتف وتنادي اسطورة مستر مستر مستر

وانا اقول في قلبي ( وجع وجع ولعنه )

وجا سعدل واخته وابوه وهم لابسين اسود ( فاهمين الوضع )

واخذ كل واحد يخمني ويصييح ويقولون تكفى لاتفشلنا حاول تجيب راسه

والبنت المخيسة ماجات تخمني

اكتفت بالنظر لي وترديد بعض الأبيات الحماسيه

وتنشد وتقول يامل قلبن بيفارق حبيبة :004:

هنا قاطعتها وقلت الفقيها ترى الدعوى مهب في لحية قصيد

الوضع خطير تكفين يا ....

الا انتي وش اسمتس ماعرفتيني على اسمتس

هنا قام اخوها سعدل وقال يااااع :117:

قلت فارق للعن ابو خامسك ترى مافيني شدة يااااع

الياااع والله بعد شوي

واخيرا تقابل الطرفان في الساحه :300:

شمشون باللباس الأصفر << مترقع قبل كم يوم

و الاسطــورةباللباس الوردي >> حتى في الحرب رومنسي :004:

واطالع فيه بنص عين وابصق في الارض ( حركات نرفزه )

ويطالع فيني بربع عين ومابصق في الأرض >> كل تبن وانطم

واول مره في حياتي ابتدي بالكلمه الشهيره ياااااااع

واهجم عليه بسرعة البرق واحوكه واكوفنه بالسيف لكنه بوبز بـ راسه وتفادى الضربه

ويصيح علي سعدل تكفى ياامســتــر الرجال لايروح

والتفت عليه بسرعه وانا متحمس يارجال تلايط

وفي نفس اللفته لمحت اخته وهي مبتسمه وهنا طرا على بالي شي

المهم هجم علي فسيفساء وهو يقول ثكلتك امك ياامــســتـر

ويحوكني بـ السيف لكن الحمدلله جات سليمه وقدرت اشقلب على ورى

ويشتد النزال بيننا الين وصلت المعركه ذروتها

وهنا استدرجته الى منتصف الساحه علشان انفذ خطتي

وفعلا قدرت اجيبه الى المنتصف واقعد اتبارز معه ( وجه يقول الله يلعن ام الخطة )

وبعدها نظرت نظره لأخت سعدل وانا اقول لـ فسيفساء ناظر يمين يااااالبيه يالبنت :004:

ويوم التفت فسيفساء يطالع البنت صارخت عليها ( ابتسمي يا اخت سعدل ابتسمي تكفين )

ولما ابتسمت البنت انطلق شعاع ضرسها الذهبي واجهر فسيفساء

وانكسرت عينه وهنا هجمت عليه وزنطته وسدحته على الأرض

( ياروحي يالخطه اروح كشنة )

وبركت على حلقه وانا اقول ( استسلم ايها الأولعبان )

ولكنه ركلني برجله ركلتن عصماء وهو يقول ( اخو العيااال ايام الجاهلية مع (( Lbc )) 726257

)

واروح اركض بسرعه والمس يد سعدل ابي اجيب فيه العيد

ويأشر الحكم لقد تم التغيير ( مصارعه حره )

ويوقف سعدل في المعركه وثوبه من قدّام صار رطب وشفّاف

ويركض ويلمس يد اخته وتركض وتلمس يدي :004: واركض والمس يدها

هه هه هه ونستانس ونضحك >> الـ ماصلة وجبت

لاجد عاد يوم لمس يد اخته هنا خذتني الحميّه على حشاشة يوفي

وقمت وانا اقول تعالي المسي يدي وانا اعلمتس شلون اتفاهم مع هذا الخنزير

وتجي وتلمس يدي بإستحياء قلت خمّيني والا مانيب داخل المعركه ( استغلالي )

وتخمني بشويش وانا اقول انشهد انك زلقت يافسيفساء

وتحبّني مع خدي :004: واقول في ذمتي انك في عداد القتلى

وتحبني مع جبهتي و اقول لعنبو غيرك ممكن تأجل المعركه شوي بس

<< قصدهـ شريف يبي الزواج

المهم دخلت مره ثانيه للمعركه وانا عيوني يتطاير منها الشرار والشر (يارجال استريح بس )

قلت شف يالحبيب نزل سيفك وانزل سيفي وبنتهاوش باليدين

بس مافيه قبص ولاشوش قال حسنا ً ايها الضعيّف

واتماسك انا واياه باليدين ويعفط اصابعي الين جثوت على ركبتي

وهو يضحك ويقول يانعنبا المبزره نعناااه << ماادري عن اخر كلمة هي صح او لا

واقول خلاص مستلم يافسفساء خلااااص مستسلم

قال شهدتوا عليه تراه مستسلم

ويفك اصابعي ويروح لاخوياه منتصرا وفائزا بالمعركه

واجيه من وراه واصيح ( الحرب خدعه ) خذ هذه الطعنه

وسط تصفيق حار من الحضور لذكائي واستخدامي الحيله >> ايه اخلص بس طولت عليهم ايام الجاهلية مع (( Lbc )) 726257

واخذت اطعنه بسيفي الين فارق الحياه << ما قلت لكم بذمتي من الموتى

وبعدها عم الهدوء ساحة المعركه

وتقدمت اخت سعدل وقالت مبروك يابطل يشرفني اعرفك على اسمي

انا اسمي ( سعدله ) >> ام الخياس

وانا قبلت بك زوجا لي

<<شفتو ان قصدهـ شريف من زمان

وجاء الحضور لتهنئتي بمناسبة الفوز والزواج

وانا اعضعض بريطماتي من الخجل

وهكذا اصبحت منتصرا ومتزوجا ورميت عصفورين بحجر ( جد والله؟ )

وجاء يوم الوداع واخذت زوجتي العزيزه سعدله

لكي نذهب للدمام ونرجع لبيتنا وبيئتنا القديمه

وركبنا الناقه ونحن في قمة السعاده هي ورا وانا قدّام وتقول مـسـتـر تحبني ؟

قلت ايه اموت فيتس بس اذا جيتي تكلميني مره ثانيه صدّي وراتس علشان ريحة البؤ بس

وبعد مسيرة نصف يوم وقفنا لنتناول طعام الغداء

وفجأه اختفت سعدله :148:

اين انتي ياسعدله اين ذهبتي ؟

انا هنا يا مــســتــر وراء القشعة

وماذا تفعلين وراء القشعة ؟

انني الاحق بعض الزواحف انتبه تأتيني !!

سعدله انتي وش مسويّه !!

قالت والدموع تغرق عينيها سامحني يا مــســتــر لقد كذبت عليك

انني أاكل الزواحف

قلت سعدله سامحيني على اللي بسويه

قالت وش بتسوي يازوجي العزيز

قلت ثــــــــــــــف

وانتي طالق بالثلاث وارجعي لسعدل وقولي له يقول لك مــســتــر

اذا في راس امك ( ياااع ) الوعد عند بوفية السعاده

واجلس على ركبتي واخم يديني مع بعض واطالع في السما

وقلت ( مهب قو مهب قو مهب قو ) ورجعت لبيتنا << اطلع برا

والقى فهود اخوي مبحلق عيونه في التلفزون ويطالع ملكات جمال مصر ( ياطر جيبي :004: )

قال تكفى مــســتــر نفسي ادخل عندهم واعيش معهم :47:

قلت خلاص قل قو قو قو وانشاء الله امورك طيبه

ويوم جاء بيخلص كلامه وافرّه على قناة ارتيريا ( نحيس )

وفيها برنامج ( مصارعة الثيران ) انشهد انه اكلهـا

ويذكرونه في ادغال افريقيا مايندرى وش صار معه

ختاما ً ..!

تأكد عزيزي القاريء ان هذه القصه واقعيه مئه بالمئه

ما يستفـاد من الموضوع /

* افصـل النت اذا انت دايل اب وكنت تقرا الموضوع << بدري يا حقير

* لا تغرك لثمة البنت يمكن تصير مثل سعدله اكلت زواحف

ههههههههههههههههههه للصبح اقول موضوع رائع وحلو بس طويل كتير قريتهعلي 3 فترات ههههههههههههههههههههههههه مشكور اخوي احمد علي الطرح الجميل

يووووووووووووووووووه
سالفتك طوييييييله

ما قريت الا ربعها

تعبت وانا بنزل

عموما يعطيك العافية

في كلمات ما فهمتها

بدويه

تقبل مروري