أكدت دراسات ان الي تزايد نسب الطلاق في السعودية والامارات والكويت والاردن وكافة البلاد العربية والسبب هو الهجمة الشرسة لفتيات الفيديو كليب ونجمات الاغراء الفني .. والمغنين .. اللائي يظهرن شبه عاريات ما يهدد الزوجات ويدفع الازواج الي البحث عن أخري.
كما أكدت دراسات وأعتراف كثير من الازواج انهم طلقوا زوجاتهم وتزوجوا أكثر من مرة بسبب ما يشاهدونه علي شاشات الفضائيات من مشاهد خليعة ..
موضوع أثار انتباهي " 70 ألف مطلقة في مصر بسبب هيفاء وهبي ونانسي عجرم وأليسا وروبي"
" قصه حقيقيه وواقعيه "
مكالمه من رئيس تحرير اخبار الحوادث المصرية
يقول: قارئة لا أعرفها ولا أعرف من تكون، لكنها بالتأكيد تركتني في دهشة وحسرة وألم علي حال رجال اليوم وأيضا علي نساء اليوم المقهورات!
إيه الحكاية؟ الست القارئة * واضح من صوتها أنها ليست كبيرة في السن * بدأت مكالمتها بالبكاء خمس دقائق وأنا أحاول تهدئتها قدر امكاني، وأخيرا تكلمت:
أسفة جدا يا أستاذ.. اعذرني.. أنا حالتي تصعب علي الكافر. الدنيا كلها بقت سودا في عيوني، من ست بيت وأم عايشة في حالها، وبتعمل كل جهدها عشان تسعد جوزها وتربي أولادها الثلاثة الصغار. أتحول بين يوم وليلة لمطلقة. مالهاش دخل ولا مستقبل!
* لا حول ولا قوة إلا بالله.. إيه اللي حصل يا هانم!
هانم إيه وزفت إيه.. بأقولك أنا ست بيت عادية. لكن عمري ما اتصورت ان نهايتي حاتكون بالطلاق وعلي ايد مين. مش حاتتصور.. علي إيد الست هيفاء وهبي!
* يا نهار أسود.. إنت جوزك علي علاقة بهيفاء وهبي؟
علاقة جامدة أوي يا أستاذ!
* مين جوزك؟،، شخصية مشهورة؟
ابدا ولا مشهور ولا حاجة.. ده رجل عادي وأقل من عادي. لكن منه لله أبوعين 'طفسة' يطلقني عشان هيفاء وهبي؟
* الله.. وهو شافها فين؟
في البيت يا أستاذ!
* هيفاء وهبي؟.. كانت بتيجي لجوزك في البيت؟
تيجي؟ دي كانت قاعدة معانا طول النهار!
* في بيتكم؟
ايوه.. في التليفزيون.. كل شوية تطلع بجسمها ده.. وشعرها ده.. وعيونها دي.. والمنيل جوزي يسيب كل حاجة ويقعد متسمر قدام التليفزيون زي المسحور، انده عليه ولا هو هنا. أكلمه مش سامع، الدنيا تضرب تقلب، ولا علي باله، عينيه علي هيفاء وهي بتدلع بهدومها القصيرة وتغني 'بوس الواوا' وهو عمال يتنهد من قلبه ويرتعش زي العيال.
* آه.. طيب ليه كلميتهوش في الموضوع ده؟
انهي موضوع.. هو يعني من يوم ما شافها بيسمعني وإلا أصلا طايقني. باقولك يا أستاذ أكلت عقله، وخلاص ما بقاش في حياته غير الست هيفاء. رايح جاي بين محطات التليفزيون يقلب ويدور عليها في كل محطة.. والمتعوس اللي عمره ما قرأ جورنال. بقي بيجيب المجلات الفنية اللي فيها صورها. الرجل اتجنن ومخه ضرب.. وفي الاول كان بيطلب مني اعمل ماكياج زيها. طيب ازاي وأنا سمره؟ وبعدين عايزين أمشي في البيت نفس مشيتها. يعني عايزني اترقص وأنا رايحة المطبخ اقشر البصل. وفيه حاجات تانية كان بيطلبها مني بالليل ما أقدرش اقولك عليها.
* ها.. وبعدين؟
ولا قبلين.. النار ولعت في بيتي وفي قلبي، والرجل مابقاش طايقيني، وطبعا أنا بقيت عصبية، أيام وأسابيع، حتي ما بقاش يقرب مني، وكان طبيعي اني انفجر، اتخانقنا، وانفجرنا في وش بعض، صرخت فيه، يا أنا يا هي، صرخ في وقال هي. قلت له طلقني، قال لي انت طالق!
***
حكايه غريبه جدا ولكن قد تحدث لأي ربةبيت ...
اذن دعونا نناقش ماهي الاسباب الذي تدفع الازواج الي الهروب الي فتيات الفضائيات؟؟؟
هل بالفعل تأثير الفضائيات يزداد علي الحياة الزوجية ؟؟
هل صحيح ان الطلاق يزداد طرديا مع انتشار الاغاني الراقصة والخليعة والافلام والمسلسلات خصوصا المدبلجة.
دعــــــــــــوه عــــــــــامه للنقــــاش
اتمني مشاركتكم بالموضوع
